BIBLIOTECA ABERTA.

AO PÉ DO FRELO

A BIBLIOTECA ABERTA .

Recoñezo que no tema dos libros milito abertamente no campo da imparcialidade dos que os aman ata a morte polo que inevitablemente non podemos resultar xustos nun debate sobre as súas virtudes ou defectos, sempre voume decantar a favor do libro aínda que sexa malo.

Dende que ala os meus dez, doce anos, escapabame da casa para adentarme nos pasadizos do vello mercado popular das rúas do barrio da Elvira, en Granada, preñadas de meos de gatos e sombras,  e ía o posto do Manolo o periodista, porque vendía periódicos e revistas, a cambiar os tebeos xa lidos por outros novos e dous reales, a miña fidelidade e devoción pola lectura, os libros e o seu característico cheiro a tinta e papel, "Chanel do numero cinco" para min, foi inquebrantable e substituída anos mais tarde polo cartón dun rústico carne de biblioteca con foto, da biblioteca municipal dos" Cuatro Caminos" alí, baixo  o adefesio do  coñecido escalectrix madrileño , onde chegamos todos nos cos meus pais.

Co  tempo ía ser a Biblioteca Nacional, cos seus inmensos fondos editoriais tralas escalinatas de mármore e as columnas neoclásica  a que acollería os meus desvaríoos de coñecer e ler coma un rato de biblioteca mais perdido entre as inmensas estanterías cargadas de saber que semellaban chegar ata o ceo e que nas tardes frías de saraiba e rúas molladas gustaba en fantasiar pensando  que aqueles pasillos e pasadizos eran ideais para rodar unha película de suspense, e aquelas mesas de madeira nobre e lustrosa polo roce de tantos lectores.

A miña devoción e fidelidade polo libro fora apuntalada pola librería Lecto da cidade universitaria e a súa creación da "Conta libro". Ti podías comprar os que precisabas e tan so tiñas que pagar 25 pesetas ao mes. Anos mais tarde xa vivindo en Noia, recordo contarlle o vello libreiro Sr. González, na desaparecida libreira da rúa do Vilar, o conto, e como el, sen coñecerme de nada, agarrou un enorme libro de contas e coa súa pluma e trazo firme non tardou un segundo en preguntarme; Nome, dirección e canto quería pagar ao mes, dende entón volvín ter conta libro aberta en tanto el gañou un admirador fiel e un novo cliente.

Quizais por todo iso, non ten mérito que agora copie, salvando as distancias, a idea do meu admirado Federico, por suposto García Lorca, e a súa Barraca, coa que ía recorrendo pobos e lugares levando o seu teatro, os libros, a cultura do pobo ao pobo.

 Puxen  logo en marcha a miña Biblioteca Aberta. Libros gratis, para todos e de todos como arma de destrución masiva da ignorancia. Colla un libro e déixenos outro que xa non precise, e que pretende facer itinerante polos camiños, lugares e aldeas do noso concello, se cadra e me deixan. Todo tipo de libros, novos, vellos, grandes pequenos, contos, novelas de aventura, etc.

Poñan un libro na súa vida para ser mais felices, ou alo menos estar menos so.

Angel Utrera