A DISTANCIA do espectador .(JAVIER PEREIRO RAMOS).
A Distancia do
Espectador.-
Finalmente teño
entre as miñas mans e xa lido a opera primo deste novel escritor, amigo e
veciño como é, Javier Pereiro Ramos, editado por ed. Do Peirao, a través deste
novo sistema de patrocinio axuda para os
que empezan neste difícil, estraño e controvertido mundo da literatura, tan
cheo de envexas, zancandies e corre ve y diles, que resulta ser o crowdfunding. Ou dito en román
paladino; un sistema de micro mecenazgo o financiamento colectivo como
mecanismo aberto, participativo e solidario para conseguir levar adiante
proxectos de todo tipo, musicais, artísticos, literario, apoiándose nas novas
tecnoloxías e as redes sociais, que de cando en vez algo bo podemos atopar
nelas.
No caso que nos
ocupa, nada menos que trinta e catro colaboradores interesados na obra creativa
de Javier, e sen dubida que de non ser así quedaríamos sen poder descubrir ao
través destas case que dous centas paxinas de boa literatura, as andainas,
reflexións, labirintos e viricuetos da mente do autor, na voz dos seus
personaxes.
Na presente edición
de esta A
Distancia do espectador, o lector ten esa sensación,
de que os personaxes do libro, agochan todos e cada un deles algo de Javier,
que foi atopando a base de mirar e remirar a folla de papel en branco, buscando
darlles vida.
Realmente en
ocasiones este combate resulta frustrante porque o espectador agardaba mais, as
veces vese superado con moito nas súas expectativas e en ocasións, francamente
nos perdemos nos labirintos da mente do escritor, que nos fai soñar, fabular
con mares afastados, portos cheos de invernía de bruma e de fume, vellos barcos
de podremia, pero sobre todo nos leva da man, e nos obriga a adentarnos entre
esas columnas que un maquina como as de Hércules, dándoche a benvida ao seguro
peirao de calquera porto, tal vez ala nas augas do Mare Nostrum, lexendario
elemento de orixe mitolóxico no estreito que une ou separa, a Africa salvaxe, descoñecida e miserenta da Europa dos mercados e mercadores, da
opulencia e o primeiro mundo da tecnoloxía e o desenrolo e como na antigüidade
limite entre o mundo coñecido e o descoñecido, que o escritor transforma entre
a realidade e a irrealidade dos habitantes de estas paxinas de A Distancia,
nunha cidade calquera, quizabes inventada.
Mat, Román, Edwan Joubert, as salas escuras e cheas de vida que se apaga da libraría Moustache, as mesas tal vez de mármore branco con cadeiras de enea, do Lagon, un de eses bares de copas, perdido en calquera calexa escura e cheirenta de meos de gato, que un identifica con aquel outro antro que Eu coñecín hai moitos anos, no que sempre me tocaba beber un Ron con melancolía e soidade, en cuxa porta inevitablemente atopabas unha apagada luz vermella de neon, que se acendía intermitentemente a capricho por mor dun mal contacto, ou un curto circuíto, que por suposto ninguén se ía xamais ocupar en amañar, onde o silencio falaba de compañia e pasado.
E síntome
transportando na distancia a través das palabras e das paxinas do libro a este
tugurio abafante e infecto en lixivia barata, mais ben antro que bar, no que o
escaso espazo que non ocupaba o fume do tabaco cuarteirón, servía de perfecta
escusa para que os tres ou catro clientes da casa, noctámbulos recalcitrantes e
empedernidos, enfundados en vellas e
apestosas chaquetas de pana, cos cóbados ben lustrados polo roce, afogaran o
seu presente, os recordos dos tempos pasados, e de paso achicharraran o fígado
co alcohol.
Posiblemente unha metáfora ou un contra sentido do que as veces é a
existencia en solitario do escritor, na procura do libro redondo, a novela
perfecta, chegar a alcanzar a fama, o éxito, a admiración admirable, co que
soñamos todos, e non falamos de cartos, nin recursos para vivir da literatura,
porque posiblemente nos perderíamos en divagacións estúpidas, baldías e sen
sentido.
Escribir un
libro, concibir, desenredar e escribir
un libro, publicalo non é nada doado, pero tampouco resulta imposible cos
medios actuais; as auto edicións, as edicións dixitais, os patrocinios, é
sabido, pero a cuestión, para min, vital e a pregunta a que temos que darnos
resposta para ser honestos con nos mesmos é; O vai comprar
alguén?. Aínda mais importante; o vai ler alguén?.
A realidade dura e
cruel, amigos, e que na sociedade da opulencia
e o estado do ben estar actual, no que non temos tempo nin para respirar, no
que todo dura o que un misto co que prendes lume ó teu cigarro, unha inmensa
hamburguesa insípida, incolora, recuberta de mostaza e ketchup pícante, que
devoramos o mesmo que nos pisoteamos e devoramos entre nos os uns os outros,
escribir e publicar é todo un acto de
valentía, porque estamos e quedamos espidos ante os demais, e a súa ansía de
despezarnos e a sensación de ridículo resulta tan forte que nos inmobiliza, deixándonos
lerdos, e incapaces de crear; Mortos viventes, afundidos na rutina, no dia a
dia, na mediocridade e a ignorancia. Por iso merece o meu respecto inmenso e
gratitude eterna, todo o que resulta quen de atopar o valor para escribir e
publicar, aínda que non sexa todo o bo que un agarda sempre cando merca un
libro, dende logo non para colocalo no andar da túa libraría, de adorno.
Javier con este
libro, o primeiro de moitos mais, marca a Distancia do espectador, para que
este, o lector empedernido se emborrache de palabras, de imaxes, de
contrasentidos, de saudade, de paraísos perdidos, de sombras recobradas, de
silencios e de berros, de tenrura e soidade, en suma desta vida que palpita
nestas cidades dormitorios, calquera, colmeas de ferro e cristal translucido,
transparente, no que encerrados como nun escaparate duns grandes almacéns de
calquera area comercial, permanecen e nos venden as súas vidas, centos, miles de Audreys esquecidas que
agardan de nos unha palabra amable, un xesto agarimoso, un sorriso, unha
carantoña, Mat. primeirizos, ou Romans, desencantados de vivir.
Javier sabeo e o
pon alí onde debe, nas paxinas do seu
libro por sobre todo dende o principio, para que ninguén se chame a engano,
porque este é un libro de perdedores, e
de espertar e vivir a vida aínda que pese.
Boa ocasión por
certo, para os que gustamos da boa
literatura con contido e gramática a que nos brinda neste primeiro caderno de reflexións
e sentimentos, para gustar e saborear a lingua, as palabras, a métrica do
léxico no que se move coma pez na auga.
Angel Utrera
Comentarios