ANTONIO GARCIA TEIJEIRO .(DISCURSO NA BIBLIOTECA NACIONAL DE MADRID).
Grazas, porque tes toda a razón; A
poesía non da respostas, pero axuda a facerse preguntas, a buscar palabras
vivir a vida, a escoitar o vento, a vencer as sombras e o medo. Si Antonio,
efectivamente; Blas Otero, Leon Felipe, Alberti, Lorca o Machado, Gloria
Fuertes, o Rosalia, e Celso Emilio o Cunqueiro ,esas palabras para Julia das
que falas e coas que Eu aínda hoxe me emociono, non teño remedio, son as mesmas
que nos traen a resposta a esas PALABRAS, fermosas, gastadas, traidoras, que
mollan e acarician, que feren e coas que soñamos, que viaxamos ou que amamos,
ou que vivimos, quen sabe, quizais a resposta continua a sonar no vento, como
ti que es esperto apaixonado de Dylan, ben sabes......Nunca pensei sentirme tan
identificado cunha exposición maxistral, coma esta túa, capaz de transmitir,
emocionar e facerme chorar , porque a poesía é iso....Emoción sen limites nin
fronteiras. Grazas polas túas palabras, que xa son miñas tamén para sempre.....
Noraboa. ANTONIO GARCIA TEIJEIRO, polo seu discurso, na Biblioteca
Nacional de España como Premio Nacional de Literatura Infantil e Xuvenil polo
seu libro: Poemar o mar, no que nos fai unha fermosa viaxe dende a súa
xuventude ata hoxe, a través da literatura, a poesía, a PALABRA, sobre e por enriba
de todo, coma una fiestra a vida, pola que todos nos camiñamos, como dicía
Machado; Lixeiros de equipaxe, mariñeiros en terra, nesta terra dura, de chairas,
sombras e malos ventos, nos que o mar é a saída, ese mesmo mar de Bernardiño
Graña, ou de Alberti, do que o poeta nos fala.
Lorca, Celaya, Machado, a poesia verso a
verso, golpe a golpe para descubrirse primeiramente uno a se mesmo, e despois
sentirse parte militante da humanidade e grao de area nos camiños, nas
congostras escuras, e sobre colledoras da nada, para gañar o futuro, o dia a
dia, a ledicia de vivir y soñar a través da poesía, e descubrir a Palabra, como
paisaxe dos soños, en rebeldía constante, en compromiso coa beleza, ata chorar
de emoción e de rabia.
Sorte inmensa tiveron aqueles nenos que
aprenderon a botar unha ollada a través desta fiestra máxica que é a poesía, na
voz de Antonio Garcia Teijeiro, mentres escoitaban o poema, mais que poema a
voz do Vento, nos versos de Manuel María, e conseguiron voar con esas ....Tres
pombas chegaron cansas.........as pombas nunca esqueceron.- aquel primeiro
poema, naquela aula, e aqueles nenos de oito, nove anos, como nos conta o poeta.
Ou na música de Paco Ibañez, poemando a rebeldía dende o exílio, cando a
Liberdade era unha palabra escrita na parede, como nos recordaba outro daqueles
canta autores, o estremeño Pablo Guerrero.
Corenta anos, dende entón, de poesía
infantil dende o amor e o respecto nun
universo cheo ata rebozar de liberdade, con un compromiso absoluta coa poesía e
a palabra e a lingua, a que secuestraron, coma ben di o poeta, para construír alumnos, homes libres e
pensantes que amen a poesía e sexan lectores de maneira natural de poesía e
literatura, aínda que non sexa esta a primeira tarefa da escola.
Buscar e conseguir mediadores
apaixonados para apaixonar, que mergullen, para mergullar, que amen para amar,
dun xeito preciso e precioso a poesía, sen prexuízos, nin temores, contra todo e
contra todos. E facer lectores activos que procuran participar, e sentirse
parte deste espectro poético ó que o poeta nos leva, porque a súa palabra é
autentica como un tesouro de entusiasmo e convicción. Un entorno poético no que
non hai definicións, porque a poesía é indefinible; Metáfora, capacidade
creativa, improvisación, emocións, todo e moito mais, vehículo, medio ou motivo
para buscala beleza que nos permita tocar, porque tocar é sentir, e sentir é
vivir.
Temos a obriga de vivir e percorrer eses
camiños en sombras e medo, dos que nos salvan os versos e os poemas nesta viaxe
das mil verdades, respostas as mil preguntas que nos facemos cada dia, nos a
nos mesmos, neste compromiso co ser humano, no que a poesía é sempre refuxio e
rebeldía, descuberta de horizontes, e novos camiños, luz que estremece e
capacidade de sentir; musica, historias inventadas ou reais, fantasía, soños e esperanzas,
tristuras e ledicias, espello no que nos miramos cos ollos abertos de par en
par, de nenos grandes, que medraron para adentros, en palabras que mollan e
acariñan
A palabra favorita, a palabra escollida;
Palabra, porque con ela facemos poesía, falamos, sentimos, acariñamos,
admiramos, ferimos, odiamos, amamos, soñamos, vivimos. Palabras para facernos
preguntas, respostas que como dicía Dylan; continua soando no vento.
Que ningún vento traizoeiro nos roube
nunca a capacidade de sentir a poesía, porque ela, non nos vai dar respostas,
pero si axúdanos a facernos preguntas.
Angel Utrera.
Neste enlace tedes o audio completo do que foi a o discurso e coloquio posterior na Biblioteca Nacional de Madrid, da intervenciòn do recente Premio Nacional de Poesía Infantil. ANTONIO GARCIA TEIJEIRO.
Neste enlace tedes o audio completo do que foi a o discurso e coloquio posterior na Biblioteca Nacional de Madrid, da intervenciòn do recente Premio Nacional de Poesía Infantil. ANTONIO GARCIA TEIJEIRO.
https://www.facebook.com/anton.garciafernandez.35/videos/196315257765385/?t=224
Comentarios