NA MIÑA BICICLETA- A EXPOSICION.

As miñas fotos pretenden atrapar o instante, no que se poida escoitar ao través do branco e negro, ou na cor dos pigmentos, a historia do que estou a reflectir, da que fala cada instantánea.
Quero facer un acto de reflexión, sobre o que perdimos, o que deixamos atrás co paso dos anos, e para sempre, o modo de vida dos nosos devanceiros.
A atmosfera das miñas fotografías buscan deixar constancia, das penas e alegrías daquelas xentes, as súas pegadas nestes lugares as veces xa tan so ruínas, espraiadas polas nosas aldeas, hoxe baleiras e silenciosas, tan cheas de vida fai anos, para que non nos esquezamos deles, e desaparezan para sempre.
Eu son dos que pensan que en tanto alguén ten un recordo teu, segues vivo. A morte , a desaparición definitiva so chega xa ninguén ten noción de ti.
Cada unha destas 47 fotos selección das moitas que fixen ao longo dos meus pedaleos en bici, son un conglomerado de sensacións, palabras, sombras, amores, vivencias, tristuras e ledicias, xa desaparecidas, pero que seguen aí, atrapadas nas pedras, nas sombras, nos claroscuros da conciencia dos pobos.
Iso é o que Eu quero contarvos, e facer unha reflexión sobre o que foi, o que significou para todos nos este pasado. A nosa historia como xentes do rural en Galiza.
A vida atrapada en cada clic. da miña cámara de fotos.

(O Vindeiro Mercores dia 29, co gallo das festas Patronais, inagurase a miña primeira mostra de fotografia. En total 47 fotos pasadas a carton pluma e tamaña A3, sobre a nosa terra, que vanse colgar na casa museo das Neves, no recinto Feiral dos Pendellos de Agolada-Pontevedra).