CRISTINA GENDE......"CUNCA"
No limiar do seu poemario Cristina Gende,
“Cristina de Merza”, nos abre a porta e marca os nosos pasos polo doce devagar
do seu pais dos soños mais íntimos que vai nesta “Cunca” baleira de mentiras e
chea de sentido e sentimentos, viaxe ao interior dun mesmo.
Mais a pregunta a
que imos ir descubrindo resposta dun xeito imprevisible e novo , cunha linguaxe
directa, as veces monosílabos bastan, o longo destas sesenta paxinas máxicas,
destes mais ou menos trinta poemas
atrapados no branco da folla e no vértice escuro do baúl dos recordos desexos e
inquedanzas, labirinto de debuxos e
puntos suspensivos, as veces olladas sen querer de inocencias infantís coma o
propia autora atrapada na sinxela candidez da nenez, a femia do presente e o
descoñecido.
Retomo o fío dos
meus pensamentos e me repito a pregunta: ¿Quen é Cunca?.¿Que é Cunca?. ¿Por qué
e para que Cunca?.
Cunca é muller,
quen recibe, quen se enche, quen proclama a súa condición e tantas outras
cousas que non se escriben con palabras…….(A autora mesmo se fai a reflexiòn e
dase resposta paralos curiosos cama min.).
A poesía de
Cristina é singular, non define nin resulta concluinte, so suxire e deixa a
nosa mente fuxir polo ceo morno das palabras, coma na musica das fontes e a murmurio
do vento éntrelas follas dos carballos dos nosos montes nestes invernos grises
de solitarios cheos de vida propia,
invisibles coma nos atrapados nun tempo en un espazo que non é noso nin
tan sequera resulta doado de esquecer.
E tempo dos
recordos, os soños e as ilusións desta Cunca que se retira na cova do silencio,
onde falan voces luminosas e claras, onde podes agardar abismos coma buratos
negros que nos engule e converten en po sideral materia gris das estrelas sen
brillo no firmamento dun tempo ao que abrir o corpo espido e amar, amar sempre,
coma fai esta Cunca, de Cristina esta dona
Cunca, cunqueira.
Os poemas desta
Cunca poesía nos deixan o amargo sabor dos conformes, pasmados de corazón e
ollos ben abertos o que xa se foi, pero quedou atrapado nas palabras e os versos
libres de Cristina de Merza; poemas das catro estacións da vida; primavera,
descuberta, tristeza morna e Cunca baleira, tal vez algún día ao volver a terra
húmida da vida que se nos foi entrelos dedos das mans.
Velaí tedes as súas
fermosas palabras coma remate en tanto sentados nas pedras frías desta
escaleira a nada ,ficamos trala venta quente do escuro agardando pola vida
desta “Cunca” de todos nos:
“Vou ao encontro da
noite escura
Noite escura sen
fondo
poderosamente me
chama
loba solitaria
camiña sen rumbo
loba nai
loba femia
salvaxe
sae da frondosidade
da cova
Nada a agarda”.....
Comentarios